Erlebnisbericht einer Irrfahrt:
I woar am Mittwoch in Unterwalterdoarf,
Wäu i bin jo auf so Musical’s richtig schoarf
Oiso hob i da Astrid de Info gebn,
Dass mia uns am Obend segn
Hob ma de Adresse fein notiert,
Damit ma beim Finden nix passiert
Mit an Bleistift und net mit an Kugelschreiba
Des woa a Föhla - hot sich daun herausgstöd späda
Die Handynummer von da Astrid eigespeichat daun,
Damit i sie im Notfoi a erreichen kaun
Aum Obend hob i mi daun ins Auto gsetzt
Und bin auf da Süd dahingewetzt
Den Zettel mit der Adresse hob i ma daneben dau,
Damit i mi net verfoahren kau
Do hob i scho glei des erste Problem entdeckt,
Im Auto woars so finsta, dass i des Gschreibsl hob net checkt
Die Navi hot ma a wos pfiffn, de hot des Nest net kennt,
I bin vua Zuarn glei rot augrennt
Ob daun woars ma kloar,
dass i mi verfoahr
Do hob i ma docht,
Des warat do glocht
I ruaf afoch bei da Astrid an,
De wiad mi scho leiten dann
Oba i hob mi leida bei da Nummer vertan,
Mei Hüferuaf kam daher bei ihr net an
Daun hob i probiert bei da sieben und da kitten
und bei da Christine und no an Vierten
Oba kana hot mi erhört,
Des hot mi zusätzlich no empört
I kaun eich sogn, es war a woare Odysee
I war zwoar imma in da Näh
Hob de Adress oba net gfundn,
Bin hin und her düst dreiviertel Stundn
Daun woa i in an Kreisverkehr
Und hob ma docht, den verloss i jetz net mehr
Hob jo net gwußt in wöchane Richtung i soit entweichen
Um das Ziel daun do no zu erreichen
So hob i duat meine Runden draht und ghofft
Dass mi endlich irgendana von denen ruaft
Gottseidaunk is de kitten daun endlich aus da bodewaunne raus
Der Wheely hebt des Handy ab, ruaft de Sandy und de sogt - wos is denn, Maus?
I keuch in des Handy rein -
Warum hört mi denn kein Schwein?
Ruaf bitte glei die Astrid an,
Damit sie mi daun lotsen kann
Des hot daun endlich do no passt,
Mia san daun grod no zrechtkumma in volla Hast
Oba ans waß i jetzt gwiss und gaunz genau
Das i ma niemois mehr a Musical in dem Nest auschau
