weil mir grad fad ist:-)

[Ingrid]

...stell ich hier ein Gedicht von mir rein



das Henderl

Heit hob i mia a Hendl gmocht,
hobs eine dau ins Rohr
Und – bevua der Pippel is wuarn goar
wollt ichs besprühn mit Wossa – kloar?

Hob ma hergricht den Zerstäuber,
nicht ahnend, dass da war ein Räuber
der mir gestern hot gflacht des Flaschel
um damit zu besprühn den Silikon bei de Kachel

de Haut vom Henderl sollt wern sche knusprig,
was jetzt folgt, is wirklich nimma lustig

der Hackler hot nämlich eine dau a Pril,
und zwoa net wenig, sondern viel

I hob aufgmocht den Herd,
und des Henderl vorgezerrt,

hob eam vapasst an festen Stroi,
und – wos siech i aufamoi?

Zu schäumen beginnt das tote Huhn,
mir blieb nichts andres mehr zu tun,
als es herauszureissen aus der Pfanne,
und ab gings in die Abwaschwanne

durt hob i’s gwoschn ziemlich lange,
bevors retour ging in die Pfanne

es is daun nimma so richtig wurn
i hobs oba trotzdem gessn, vor lauta Zurn

 

[Tanja]

:rofl: meeeehhhrrr :lol:

 

[Ingrid]

ich hab schon noch einige, möchte aber niemanden langweilen

 

[Tanja]

Na geh,wenns jemanden langweilt, muß ers ja net lesen

 

[Julie]

wieso langweilen? is doch lustig!!!!!! :lol: :lol: :lol:

 

[Ingrid]

na gut, eins geht noch:

heut war ein guter Tag:-((


Heit um hoiba anse in der Nocht muas i aufs Klo
grundsätzlich stimmt mi des jo goar net froh

oiso - den Kadaver ausse ausn Bett,
vaschlofn woar i - so a Gfett

moch auf de Bodezimmatia
entgeistert ich ins Bod daun stier

des Wossa is gruna bis ins Zimma,
i hob glaubt, i krieag mi nimma

i bin glaufn in den Keller,
erst laungsaum, daun oba immer schneller

olle Hähne hob i ogsperrt,
und - i gestehs - a bißl plärrt

auffe glaufn in die Wasserkammer,
zu schauen, wo er herkommt, dieser Jammer

daun hob i's gsehn - es hot a Ventil zerlegt
und i woar mehr ois aufgeregt.

olle Bodetiachln hob i auf'm Boden gschmissen
de Situation woar echt beschissen

daun hob i mi wieda niedaglegt,
hob laung net schlofn kenna, da sehr erregt

In der Frua konnt i daun nimma liegn
bin obe - ah - die Mona hot ins Wohnzimma gspiebn

Des hot jo ollas scho guat angefangen,
es is oba daun no weitergaungen

Auf der Tangente ein Megastau,
zwa Stunden, wo i net weidakau

endlich im Lift in der Bude
springt ein Knopf von der Bluse

die Brille hatt ich zu Hause liegen,
der Faden daher net in die Nadel zu kriegen.

Ansonsten gings mir heute gut -
für Morgen schöpf ich neuen Mut

 

[Delphinchen]

*rofl*

MORE !!

Sind des wahre begebenheiten ?

 

[Ingrid]

ja, leider, Delphinchen - sowas kann man sich net aus den Fingern saugen

 

[kitten]

bravo celsi .....mehr, mehr mehr bitte!!!!

 

[clspitzer]

Echt toll gedichtet, voll lustig das Henderl. :lol:

Habs meinen Kids vorgelesen, die haben sich den Bauch gehalten.

Mein Bruder schreibt seine Mails auch immer in Mundart, ist schwer.

Bitte mehr................

 

[Ingrid]

Nun, wenn mir was Aussergewöhnliches passiert, dann schreib ich's immer auf.

Und leider passieren mir öfter eigenartige Dinge.



Mir fällt das Schreiben eigenartigerweise überhaupt nicht schwer. Setz mich einfach hin und schreib drauf los.

Ich lese mein eigenes Geschreibsel hin und wieder ganz gerne durch. Wenn man genügend Abstand zu den Katastrophen des täglichen Lebens hat, kann man meistens drüber grinsen

 

[yandra]

hehe. supi

ich hab auch noch zwei gedichte von früher:

Wolven
Wie soll ich armes kleines Menschlein
Entflieh’ n dem großen Wolf,
Der wartend vor dem Hause steht,
Und niemals, nie, hinfortgeht?

Ich muss weg,
Doch spürt er meine Angst.
Er wittert mich!
Oh, bin ich gefangen ewiglich?

Ich starre aus dem Fenster,
Er ist nicht zu sehen.
Soll ich es wagen,
Doch nicht verzagen?

Leis’ öffne ich die Türe,
Blicke mich ängstlich um.
Trete vorsichtig hinaus.
Da kommt er heraus!

Ich beobachte ihn,
Hör, wie er seine Zähne fletscht.
In seine Augen blicke ich,
Versink in ihnen jämmerlich!

Ich sink in mir zusammen,
Er kommt auf mich zu.
Panisch sehe ich ihn an,
Mein Körper wird ganz klamm.

Ich seh ihn näherkommen.
Höre, wie er jault.
Sein Rudel kommt bald,
Mir wird plötzlich so kalt!

So wunderschön sind seine Augen,
Doch sind seine Zähne so spitz.
Sie werden mich zerreißen,
Immer fester in mein Fleisch beißen.

Ich höre sie kommen,
Das Trappeln der Pfoten.
Ich bin wie in Ketten,
Wer kommt mich zu retten?

der Teil ist von meinem Freund

Widerspenstig Nackenhaar gesträubt
kommt er langsam auf dich zu
dein Herzschlag findet keine Ruh,
erwartest ihn vor Angst betäubt

Leise grollend kommt er näher
würdest rennen doch erstarrst du eher
verlierst dich in den dunklen Augen
die dir fast die Sinne rauben

Und dann
als du den Todesbiss erwartest, wie benommen
entdeckst du zauberhaft in der Pupille
dein eignes Spiegelbild verschwommen
wirst plötzlich ruhig und es herrscht Stille...

Siehst seinen Kopf sich friedvoll senken
spürst seinen Atem auf der Haut
fühlst ihn ganz nah, seltsam vertraut
den fremd zuvor du angeschaut

Die Seele wird dir wunderweit
als deine Angst im Nichts verfliegt,
gleichsam dein Herz von Leid befreit
als tiefer Friede dich umgibt

Die anderen, sie sind nun da
sie wachen still
sie wachen ruhig
ob der Magie die du erlebst
als du dich selbst und ihn verstehst

Deine Hand
rührt sanft die Stirn die du erblickst
verliert sich kurz im tiefen Fell
eh er, ganz plötzlich schnell
davonläuft, was dich leicht erschrickt

Hinter Busch und Baum nach kurzem Stück
sind sie vor deinem Blick versteckt
lassen dich mit Haus und Wald allein zurück
mit deiner Hand noch ausgestreckt


--------------------------------


An einen Engel

So schön bist du
drum sah ich dich im Traum.
So kommt es nu,
dass ich vergess’ dich kaum.

So tröstend der Blick
gütig das Lächeln.
Ist alles ein Trick,
deine Schwingen, die fächeln?

So dunkel deine Schwingen
schwarze Haare so lang.
Beginnst du zu singen,
vom Ton wird mir bang.

So grausig deiner Stimme Klang,
doch lieblich ebenso.
Beruhigend der Gesang
schön anzuseh’n bist du.

So dünn dein Körper und bleich,
groß deine Gestalt.
Die Züge sind so weich,
die Augen gar nicht kalt.

Oh Engel höre mich!
Ja, zu dir spreche ich.
Bitte verlass’ mich nicht,
kann ich nicht leben ohne dich!


Ein Gedicht an meinen Schutzengel

 

[Ingrid]

Heut woar i frühstückn)

I bin jetzan a Wochn auf an Seminar
Oarbeitsrecht - is jo sicha ollen klar

oiso - i reit ei in des Hotel im zwölften Hieb,
woar zfrua draun, hob oiso gschaut, dass an Kaffee i kriag

"Bittscheen, i hätt gern an Kaffee"
- gengangs nua durt umme zum Buffet

gesagt, getan, ich ließ mich nieder,
bat um an Kaffe daun wieder

der is glei kumma von an Fräulein mit netten Worten,
mein Blick schweifte ab inzwischen zu Semmeln, Schinken und Torten

"Bittscheen, a Semmal mit Butta war jetzt schee"

- Gnä Frau, bedienen Sie sich bitte am Buffet

des hob i ma net zwaamoi sogn lossn,
i woar gaun happy, konnts goar net fossn

hob uandlich gfrühstückt, sodass ich daun woar bereit,
für die Oarbeitsrechtlichkeit

und des ollas umasunst,
des is de woare Schnorrer-Kunst

und muagn in da frua loss i mi durtn wieder nieder
und probier des spielchen söbstvaständlich wieder

 

[Ingrid]

der Lappi

Mei gresta Wunsch - Ihr wißt's - das woar a Laptop
mit dem i im Summa daun im Goartn hock

oiso hob i schweren Herzens gschlochtet mei Spoarschwein,
und bin mit dem Göd beim Schlaturn in Stadlau rein

Hob ma ausgsuacht an Lappi von der Marke RAcer,
im nochhinein waas i, jeda aundare - sogoa a Tschericom - ward gwesn bessa

Ois erschtes is ma aufgfoin, dass de Buchstabn san ghupft wia wüd, san net in da Zäun bliebn, sondern haum sie einegsetzt irgendwo in's Büd

Ois zweites hot da Lappi gaunz laut pfiffen,
i woit eam starten, des hot er oba net begriffen

a Gewährleistung hob i haum woin fia de Kistn,
de neiche Gsetzeslog haum scheinboa de Koffa durt no net begriffen

se haum gmant, des is a kloare Garantiegeschicht,
a Gewährleistung gibt's für meine Kistn nicht.

I hob daun woartn miassn vierzehn Tage,
augfressn woar i, keine Frage

i bin daun oiso wieda higaunga, - wia gsogt, es woarn scho 14 Tog vagaunga

hob eipockt de Kistn hoffnungsfroh in mei Toschn - und daun
- i hätt aum liabsten de Trottln duart ghaut in'd Goschn -

hot der Lappi pfiffn wie eh und je, nur is er übahaupt nimma kumma in'd He

oiso hob i wieda eipockt den PC -
und bin gfoarn noch Stadlau üba Breitensee
bis i beim Schlaturn daun wieda steh

Der Lappi funktioniert net, hob i gsogt,
es is net des Mainboard, wos eam plogt
(austauscht haums ma nämlich dieses Trum)
des woars oba net, drum i jetzan wieda kum

Oiso hob i wieda vierzehn Toge gwoart,
bis i daun wieda woar beim Schlaturn vor Ort

und Ihr werd's es jetzt net glaum,
das de Wappla s'zweite Moi des Mainboard austauscht haum

Oba i kaun eich sogn, es is gwesen woar
fia de woar ollas sonnenkloar

I hob gsogt, probier ma do de Kistn aus, befua i's wieda nimm nach Haus

Daun hob i de Wöt nimma begriffen,
beim 'Starten hot des Heisl scho wieda pfiffn

Da Wappla hot gsogt, des hauma glei,
liegt sicha nur aun da Einstöllerei

hot a bissl umagwerkt,
wos a dau hot, hob i ma net gmerkt

Daun hot des Heisl plötzlich nimma pfiffen,
i gib zua, i woar total ergriffen

hob den Lappi eipockt und bin gfoarn nach Haus
daham pock i de Schissl aus - und

de Katzerln haum de Flucht ergriffen,
de Kistn hot nämlich scho wieda pfifn.

Oiso am nächsten Tog in da Frua,
bin i zum Sschlaturn - de Kistn wieda retour

Hob gsogt, i mecht a Leihgerät,
wäu i sonst wirkli wüd wern tät

daun haums ma gem an Tschericom.
und jetzt, ihr Lieben, ihr ahnt es schon -

leida woa des CD-Laufwerk ramponiert,
um genau zu sein, es hot net funktioniert.

Heit in da Frua bin i daun wurn a bißl literarisch,
hob denan Wapplan gschriebn, dass i jetzan werd endgültig narrisch.

Schlußendlich hob i an hienichen Lappi beim Schlaturn,
mit'n Tschericom bin i a net wirklich glücklich wurn.

Und jetzt vazeihts ma bitte, waun i in da nächsten Zeit bin a wengal damisch, is oba bessa, ois i tätat werden narrisch

 

[Tanja]

:rofl: wird ja immer besser :lol: sorry celsi, is sicher a Problem, aber bei der erzählung muß i lachen :lol: :lol: :lol:

 

[LiabsMadl]

jaja, die Acer Probleme kommen mir sehr sehr sehr bekannt vor

 

[Ingrid]

I woar eikaufn


Oiso - heit woar i eikaufn -
Schuach und Gwaund
wie a Sandler woa i scho beinaund

Kinder, i sogs eich, des woar a echte Quoi
es woar net leicht zu treffn meine Woi

De Schuach san olle gpitzt und schmoi,
de tuan ma jo weh, fix no a moi

De meistn Hosn woarn ma z'klaa und z‘eng,
bei ana is ma da Knopf wegsprungan - peng

Dem Akk, dem oarman Hund
seine Fiass woarn scho gaunz wund

er hot mi nämlich zu dem Tripp begleitet,
gottseidaunk is er jo net zoart beseitet

i hob gschimpft in ana Tour und gfluacht,
dawäu hot er wos Passendes fia mi gsuacht

Des woa net wirklich leicht,
mei Stian woa scho gaunz feicht

Schlussendlich hob i no dawischt zwaa Hosn und an Rock
- aufs Eikaufn hob i jetzan wieda laung kan Bock

Vurige Wochn woar i no Hoarschneidn beim Barbier,
auf dass i zumindest a BISSL schena wiar

des mit dem Schnitt
is oba nua a Zwischenschritt

Jetzt muss ma färben der AKK de Hoa,
des is eam oba eh scho kloar

i hob mi entschieden fia rot,
wäu mei eigene Foarb wirkt so tot

wia Hundescheisse is mei Naturfoarb
ich jetzt für an steilen roten Ton sorg

de Foarb hot mi kost nua 10 Euronen,
beim Barbier miassat i jo 40 löhnen

Rot -
ois aundre wirkt tot

und a Tönung is a Gfrett,
laung hoit des Rot daun nämlich net

So - der AKK hot ma jetzt gfärbt de Hoar
des Rot is wuan gaunz wundaboar

woar zwar a bissl a Prozeduar,
hob oba fria ka Rua gem, wirkli woar

vuaher woar ma no a bißl walken mit de Stecken,
damit kaun ma sogoar des Celserl wecken

dazwischen hob i no fixiert den Auftritt vom AKK und seiner Band,
damit des Kränzchen in da Firma so wia fria guat rennt

Ois in oim woars ois a guade Tog,
do braucht sie kana wundan, dass i nimma hackln mog

Hob so vüle Interessen,
de in da Bude kunntatn mi doch vagessn

Und aunbieten mia den "Golden Handshake"
i sog Eich, wia da Blitz wa des Celserl weg

Oba es kummt hoit wieda Montog,
und i mi daun wieda über die Tangentn plog

imma wieda - i brich nieda

 

[kitten]

*ggg*

bist jetzt auch a rotfellige????

 

[sid]

celsi, celsi, einfach SPITZENKLASSE !!!! muss bei manchen zeilen an wilhelm busch denken - also, bei dem was dir so passiert, möcht ich zwar nicht tauschen, aber dass du uns mit deinen gedicht´ln dran teilhaben lässt, find ich SUPER! DANKE! habe mehrmals :heart: -lich gelacht!!! bussl sid.

 

[Ingrid]

Orientierungslos

Jeder, der mi kennt, der waas es eh

I war no nie a Genie -
- in Geographie

Und do hob i ma hoit denkt,
a GPS warat klass, auf dass’ mi lenkt

Und so hob i ma’s gleistet vua drei Joar,
Es war a Segen - wirklich woar

Imma bi i glaundet aum richtigen Uart,
Leida is des GPS ob jetzt fuat

Wia des passiert is, wea i eich glei berichten
- i glaub, des kaun a ka Richter mehr schlichten

Hob kriegt a neiches Auto vurige Wochn,
(Is zwoa schwarz, so wia a Leichenwogn,
Imma staubig und dreckig, kaun i eich sogn)
Oba sonst spüts wirklich olle Sochn,

Oisooo - des GPS aus’m oidn Auto aussegrissn,
Wäu i wüs jo net mehr missn

Zum Autotandler hob i’s hinbrocht,
Auf dass a ma’s eibaut - ins neiche - hob i ma docht

Der hot gnickt und gmahnt, des is o.k,
Auf uns kennans sie sich valossen, des wissens eh

Leida hot ma da Habara dazöht an Schaß,
I des ob erst seit kurzem waß

Dreimoi war i seit vuriga Wochn scho durt,
Des GPS ob no imma net spurt

Heit is ma grissn der Geduldsfodn,
I war scho wirklich ziemlich glodn,

Bin einegfoarn noch Wien,
Zu einem Spezialisten hin,

De haum si augschaut diesen Jammer -
Und jetzt kummt er daun - der Hammer

Sie haum gmant - des is a Wunder gwiß
Dass des Auto no net hienich ist .

Oba mei Leiden war no net wirklich aus,
De haum brocht de Amaturnbrettverkleidung net raus

Des Auto is nämlich ganz a neiches Modell,
Do kennan si sich no net aus - eh kloar, gell?

Noch zwar Stunden Werken haums ma daun gsogt,
Dass des nix bringt, sie haum net Zeit bis in’d Nocht

An Stecker miassn’s jetzt erst ordern,
Und mi aus da Werkstott weg befördern

Jetzan muss i de Elektronik checken,
Den Einbau von dem GPS zwaamoi pecken

Den Schoita darf i aa no brennan,
Und bin net amoi sicha, ob de des GPS aa wirklich eibaun kennan.

Und i eich daun jetzan frog - woar des heit a guada Tog??????????