so foris, spät aber doch, meine "überraschung" fürs treffen im figlmüller...und, ich muss zu meiner rechtfertigung sagen, ich hab´s jedem freigestellt mal kurz auszutreten, um nicht zwangsbeglückt zu werden
********************************************************************
März 2005
Für´s Katzenforum
Die Cleo ist Schuld, i s åg´s eich glei,
vor fåst a´m Jåhr- des wår a Ei,
åbg´haut is mir die Miezekatz´
die Suche nåch ihr, des wår ka Hatz´
Då bin i dånn g´angen ins Internetz
Inserate aufgeben, mir wår gånz letz.
So bin i a g´låndet im Forum für Kåtzen
Nix håb i g´seg´n – nur lauter Tåtzen
Åba Åntworten wår´n då, i hab lei so g´schaut,
von so viele Leut´mir håt fåst gegraut.
Die kennen mi går nit, was wollen die von mir?
So komische Namen - i brauch glei a Bier!
Jå so is g´wesen vor aniger Zeit
Wås soll i eich sågen, liabe Leut´?
Die Biggi, die feine, kennt wohl a jeder
Boardsitter is di, a haßer Feger.
Mit vül Einsatz und Geschick håltet´s uns zamm- mit Überblick.
Die Piper, die årge, die håt Energie
Sitzt immer im Auto, des schåffat i nie.
A Besuch im Heim bei årme Kåtz´n
überall dabei, kriegt´s sicher månchmål a Fotz´n.
Und die Kitten, des Madl, nit vül älter als i
Håt a so an Rotschopf, wo führt des noch hin?
A empfindsame Seele mit vül G´fühl
Håt noch net g´funden, des wås sie wüll.
Zum Aufzählen gabat´s noch vül mehr Menschen
Seid´s ma nit bös´ kånn an ålle nit denken.
Wisst´s es eh - i bin a Chaot, mit dem ihr håbt´s oft euer Not:
Nick verwechseln und fålsch posten
Anfach vertippseln – des wird was kosten!
Oft krieg i mails, was nur nit von wem
Fråg´n hab i mi nit traut, weil i mi dånn schäm´.
Ständig falsch lesen sorg i für Lacher
I man´s nit bös´ is halt månchmål a Kracher
Ans muaß I sag´n des gilt jetzt für ålle,
kriegt´s eich doch nit so oft in die Wolle !
Und tuat´s nit verwechseln, des war mir wichtig
Forum is Familie? Des is nit richtig.
Ersetzen kann man nie die menschliche Nähe
Versucht man es trotzdem, oje- wehe, wehe
Plötzlich nimmt man persönlich wås an går nix geht ån,
då wird man gewöhnlich und nix passt mehr zåmm.
Håbt´s Ihr daham Ärger, dånn låsst´s ihn a dort
Red´s amål mit da Mama des tuat a guat.
Im Forum geht´s leichter, des is mir schon klår,
doch wer soll da wissen, wås jetzt´ is wåhr?
Und nun mach´ i Schluss, da Bleistift is stumpf,
da Schnuffel is hungrig – der wår ka Trumpf!
Schen is schon, dåss i Eich amål g´seg´n håb,
nur trotzdem – ich måch des nit ålle Tåg.
Stoß ma ån und ratsch´ma weiter,
Hipp und Hurra! Dås Leb´n is heiter !
********************************************************************
